بطوطة
عدد المساهمات : 50 تاريخ التسجيل : 04/08/2010 العمر : 30 الموقع : بغداد
| موضوع: ابوذيات رووووعه ادخل وشوف الجمعة أغسطس 06, 2010 12:16 am | |
| صرنه نجوم لكـن - مالمعنـه والف يا وسفه بختك - مالَ معنه زعلـك صـار ماصـخ- ماله معنه اراضيـك وترد تزعــل عليـــــه
********** عطـش گلّبـي بمحبتـك - ماي يتاني وبعـد ما اظن ينطـرك - ما يتاني تعــال وشوف حالـــي ميت اني بس الروح گــوّه مچلبـــه بيه
**********
بوسـط دلالي نامــي - وانتي ظلي واذا حُبـــي ظلالــه - انتي ظلي اشوفچ ؟ وين اشوفچ - وانتي ظلي اذا جوه الضـــوّه تصيريــن بيه
**********
كلبي باع كل الربع وشراك بودادك وحده ماخان وشراك شراواني الوكت من ضيم وشراك يهون من اذكر انته احزام اليه
**********
مريض وصعد مرضي على اشفاي وطب لندن بعد ما يكدر على اشفاي حبيبي من تحط شفتك على اشفاي اطيب وكل مرض مايبقه بيه
**********
حرت اش اشتري كية لو بيكم ومدري الصوج بية لو بيكم والله لو تلعب لعب زيدان وبيكهم ما اخليك تراوغني وتشمت الناس بية
**********
الگلب من ساعة الحبك هلك ليش احچي اوياك ما تحچي ها لك ليش اقتنعو كل هلي ابحبك هلك ليش ما قنعو ابحبك ليش اليه
********** سهم الدهر بين احشاي ينشل جرحني والجرح هيهات ينشل اريد النعش بيكم كون ينشال وتهيلون التراب انتم عليه
**********
عيني العمت لو جيتوا تراكم وعليهه الحزن ودموعي تراكم حزنكم رايد اسالكم ترى كم يعادل حزني والي صار بيه
**********
وحق من نزل الايه ولكتاب جاز الكلب من عدك ولكتاب رسايل بعد مادزلك ولكتاب لان كلهن ترجعهن عليه
***********
لاجل عينك اصير رماد وانذر ولشوفتك اطش جكليت وانذر اذا فد يوم اصيرن حكم وانذر اشيل احمر طرد مو بيك بيه
*********** وحك اللي تعبده الناس منشاف الدمع من يومكم لليوم منشاف الف ياحيف شفي انكطع منشاف بعد هيهات جمعتنا سويه
***********
وحق الي تعبده الناس وحده حبك سلب مني الروح وحده هذني اثنين ونته اختار وحده ترحل لو تضل محبوب اليه
***********
جنة من الدفو ياناس حضنة عشكتة وماكعد وياه حضنة ما ردت الطمع بس ردت حضنة ومن احضنة محد يفكة من اديه
***********
رشيق الطول كال بشعر صفنه وجمالك بلشعر يراد صفنه بطولك لو تجي وتصير صفنه صفر ينطونه وينطوك ميه
**********
حلاوة وطيب للياكل من تمرنه نحب نسمع كلامك من تامرنه تميل البصره كلها من تمرنه والك شط العرب ياخذ تحيه
********** اتمنى ان تكون نالت اعجابكم.. | |
|
moon of the love
عدد المساهمات : 84 تاريخ التسجيل : 08/08/2010 العمر : 32 الموقع : بغداد
| موضوع: رد: ابوذيات رووووعه ادخل وشوف الثلاثاء أغسطس 10, 2010 4:24 pm | |
| يسلمووووووووووووووووووووووووو...حلوة تخبول وربي اني كلش عجبتني... | |
|